Hráefni:

• 70 g Hellmann‘s Chilli majónes
• 60 g Hellmann‘s klassískt majónes
• 1 msk. saxað jalapeño úr krukku
• 1 tsk. límónusafi
• ¼ tsk. salt

Aðferð:

1. Vigtið allt saman í skál og pískið saman.
2. Geymið í kæli fram að notkun og njótið með pylsum, hvort sem þær eru
   stakar eða í brauði.

Hér prófaði ég bæði að hafa sósu í skál og dýfa grilluðum pepperoni-pylsum beint í sósuna og einnig að setja slíkar pylsur í brauð, hvort tveggja var dásamlega gott. Í brauðinu er kál, rauðkál, pepperoni-pylsa, gular baunir, vorlaukur og nóg af pylsusósu, bæði undir og ofan á.

Skoða nánar á gotteri.is

Hráefni:

• 700 g soðnar kartöflur
• 150 g stökkt beikon
• 250 g Hellmann‘s majónes
• 4 harðsoðin egg
• 2 msk. Dijon sinnep
• 2 msk. Relish
• ½ rauðlaukur
• 2 x vorlaukur
• 1 tsk. saxað ferskt timjan
• 1 msk. sykur
• Salt og pipar

Aðferð:

1. Skerið kartöflurnar niður í munnstóra bita og setjið í skál.
2. Saxið stökkt beikonið smátt og bætið í skálina.
   Skerið rauðlauk í þunnar sneiðar og vorlaukinn smátt og blandið saman
   við.
3. Næst má hræra saman majónesi, sinnepi, Relish, sykri og timjan og
   smakka síðan til með salti og pipar.
4. Þessu má svo hella yfir hráefnin í skálinni og blanda varlega saman með
   sleif.
5. Að lokum má skera eggin niður í bita og blanda þeim varlega saman við
   allt saman.
6. Best er að kæla kartöflusalatið í að minnsta kosti klukkustund áður en það
   er borið fram (gott að grilla kjöt og leggja á borð á meðan).
7. Berið fram með pylsum og kjöti sem ykkur þykir gott.

Skoða nánar á gotteri.is

5 stykki

Hráefni:

• 5 pylsubrauð
• Um 700 g skelflettur humar
• 2 rifin hvítlauksrif
• 1 msk. söxuð steinselja
• Salt og pipar
• Smjör til steikingar
• Klettasalat
• Graslaukur
• Hvítlaukssósa (sjá uppskrift hér að neðan)

Aðferð:

1. Útbúið hvítlaukssósuna og geymið í kæli fram að notkun.
2. Losið pylsubrauðin í sundur og steikið á báðum hliðum upp úr smjöri,
   leggið á disk.
3. Bætið smjöri á pönnuna ásamt humri, hvítlauk, steinselju og kryddum,
   steikið stutta stund þar til humarinn er tilbúinn (fer að krullast upp).
4. Smyrjið brauðið að innan með hvítlaukssósu, setjið þá klettasalat og
   humar ofan á, síðan meira af sósu og saxaðan graslauk.

Hvítlaukssósa

• 150 g Hellmann‘s majónes
• 50 g sýrður rjómi
• 2 rifin hvítlauksrif
• 1 msk. sítrónusafi
• 1 msk. söxuð steinselja
• 1 msk. hunang
• Salt og pipar eftir smekk
• Pískið allt saman í skál og smakkið til með salti og pipar.

Skoða nánar á gotteri.is