16-18 stykki

• 100 g Til hamingju haframjöl
• 120 g hnetusmjör
• 60 g saxað dökkt súkkulaði
• 70 g akasíuhunang
• 20 g hörfræ

1. Byrjið á því að setja hörfræin í blandara eða matvinnsluvél svo úr verði nokkurs konar
   hörfræsduft, allt í lagi samt þó sum fræin séu heil. Gott að setja örlítið meira en 20 g í
   blandarann og vigta síðan duftið þegar þar að kemur.
2. Setjið allt saman í skál og hnoðið með höndunum. Hnetusmjör er misþykkt svo
   kannski gætuð þið þurft að setja aðeins meira hunang ef blandan er of þurr eða
   aðeins meira af hörfræsdufti ef hún er of blaut.
3. Blandan á að vera frekar stíf í sér en samt þannig að hægt sé að móta úr henni kúlur.
4. Rúllið 16–18 kúlur úr blöndunni, plastið og kælið í um 30 mínútur áður en þeirra er
   notið. Gott er síðan að geyma kúlurnar í frysti eða kæli í lokuðum umbúðum.

• 170 g Til hamingju kasjúhnetur
• 100 g Til hamingju pekanhnetur
• 70 g Til hamingju graskersfræ
• 60 g Til hamingju þurrkuð trönuber
• 50 g Til hamingju tröllahafrar
• 100 g hlynsíróp
• 50 g púðursykur
• 2 tsk. vanilludropar
• ½ tsk. salt
• 80 g suðusúkkulaði

1. Hitið ofninn í 175°C og setjið bökunarpappír í ferkantað mót sem er um 25×25 cm.
   Gott er að láta pappírinn ná upp fyrir kantana svo auðveldara verði að lyfta
   hnetublöndunni upp úr eftir bakstur.
2. Hrærið hnetur, fræ, trönuber og tröllahafra saman í skál.
3. Hitið síróp, púðursykur, vanilludropa og salt saman í potti þar til sykurinn leysist upp,
   takið af hellunni þegar blandan byrjar að sjóða.
4. Hellið sykurblöndunni yfir hnetublönduna og blandið saman með sleif.
5. Þjappið í bökunarformið og bakið í 20 mínútur, látið kólna í um 30 mínútur áður en
   þið lyftið blöndunni upp úr.
6. Skerið niður í 16 bita á pappírnum án þess að taka í sundur. Bara gott að skera áður
   en blandan er fryst með súkkulaðinu.
7. Bræðið súkkulaðið og dreifið því yfir hnetublönduna, setjið í frysti í um 20 mínútur og
   losið hnetumolana síðan í sundur og njótið.

Uppskrift dugar í eina krukku

• 40 g Til hamingju tröllahafrar
• 1 msk. Til hamingju chiafræ
• 120 ml haframjólk
• 50 g lífræn hrein jógúrt
• 1 tsk. BioToday hunang
• Toppur á hafragraut
• Bláber
• Til hamingju granóla
• 1 tsk. BioToday möndlusmjör

1. Setjið allt í krukkuna og hrærið saman. Setjið lok eða plast yfir og geymið í kæli í að
   minnsta kosti 4 klukkustundir eða yfir nótt. Toppið með granóla, bláberjum og
   möndlusmjöri.