Libresse
Libresse er eitt stærsta vörumerkið á sínu sviði á Íslandi. Við leggjum áherslu á að tala opinskátt um allt það sem tengist píkum og legi, hvort sem það eru blæðingar, útferð, túrverkir eða annað sem okkur hefur verið sagt að hafa hljótt um.
Frítt fræðsluefni um kynþroska og tíðir
Við hjá Libresse skiljum að kynþroski og tíðir geta verið krefjandi umræðuefni í kennslustofunni.
Þess vegna höfum við unnið í samstarfi við ljósmóður að því að setja saman fræðsluefni um tíðir og kynþroska sem kennarar geta nýtt sér – algjörlega frítt!
Fyrir okkur snýst þetta ekki bara um að þróa öruggar og áreiðanlegar tíðavörur, heldur líka að miðla fræðslu og hjálpa til við að brjóta niður þau tabú sem enn eru til staðar í kringum tíðir, sem eru eitt það eðlilegasta í lífinu.
Smelltu hér til að sækja fræðsluefni um tíðir og kynþroska ungmenna fyrir kennara
Smelltu hér til að sækja bækling fyrir börn um tíðir og kynþroska fyrir ungmenni
Skráðu þig hér ef þú vilt fá sent frítt sýnishorn af tíðavörunum frá Libresse
"*" indicates required fields
Hvers vegna er nauðsynlegt að fylgjast með tíðahringnum?
Sækir þú í óhollan mat þegar þú ert á blæðingum?
Ef þú þekkir tíðahringinn þinn getur þú fylgst með því hvenær líkaminn kallar á ákveðinn mat.
Er svefninn mismunandi eftir því hvar í tíðahringnum þú ert?
Ef þú þekkir tíðahringinn þinn getur þú fylgst með því hvenær þú sefur best.
Stundar þú líkamsrækt á blæðingum?
Ef þú þekkir tíðahringinn þinn getur þú aðlagað hreyfingu og æfingar að honum.
Svansvottun
Libresse er stolt af því að hafa hlotið Svansvottun. Svanurinn hefur frá árinu 1989 verið opinbert umhverfismerki Norðurlandanna. Meginmarkmið Svansins er að draga úr umhverfisáhrifum af vöru eða þjónustu og auðvelda neytendum að velja umhverfisvænni vörur.
Kröfur Svansins tryggja að vottuð vara sé betri fyrir bæði umhverfið og heilsuna með því að:
- Skoða allan lífsferil vörunnar og skilgreina helstu umhverfisþætti
- Setja strangar reglur um umhverfisþætti sem skilgreindir hafa verið, s.s. efnainnihald og notkun skaðlegra efna, flokkun og lágmörkun úrgangs, orku- og vatnsnotkun, og gæði og ending
- Passa að þekkt hormónaraskandi og ofnæmis- eða krabbameinsvaldandi efni séu ekki notuð
- Herða kröfurnar reglulega svo Svansvottaðar vörur séu í stöðugri þróun.
Skrollaðu áfram niður og sjáðu úrvalið sem Libresse býður upp á.
Loforð okkar um sjálfbærni
Sjálfbærni er ekki bara tískuorð, sjálfbærni er lykillinn að því að jörðin lifi af. Því einbeitum við okkur að því að framleiða vörur sem eru ekki bara góðar fyrir þig heldur líka fyrir jörðina. Við viljum bæta líf kvenna og transfólks um allan heim og það getum við ekki gert ef við
eyðileggjum jörðina á sama tíma.
Við hjá Libresse erum stolt að því að framleiða vörurnar okkar á sjálfbæran hátt. Við erum meðvituð um nauðsyn þess að vinna í sátt og samlyndi við móður jörð og auðlindir hennar í öllu okkar starfi, allt frá efnisöflun til famleiðslu. Við vitum að við eigum langt í land en við viljum hvetja þig til að taka þátt í ferðalagi okkar í átt að fullkominni sjálfbærni.
Óheft og frjáls
Við eigum þá ósk að allt fólk geti hagað sínu daglega lífi eins og því best hentar. Þess vegna viljum við berjast gegn tabúum sem ríkja um blæðingar kvenna. Von okkar er sú að í framtíðinni verði blæðingar hvergi feimnismál. Allar Libresse vörurnar miða að því að þér líði vel og getir óheft tekið þátt í því sem þig langar til. Dömubindin okkar eru með yfirborði sem andar og SecureFit™ sem gerir þau þægileg og örugg. Libresse innleggin eru sömuleiðis þægileg og sérstaklega þunn. Við vonum að Libresse hjálpi þér að lifa lífinu óheft og frjáls!
Dömubindi
Prófaðu nýju ofurþunnu FRESHPROTECT dömubindin sem byggð eru á nýrri tækni Airtech®, hönnuð til að gefa tilfinningu um ferskleika og öndun. Hin einstaka SecureFit® tækni aðlagast síðan lögun líkamans til að skapa þægindi og bindin haldast á sínum stað til að bæta lekaöryggi. Þannig getur þú fundið þitt öryggi þegar þú ert á blæðingm – sama hvað þú gerir eða hvar þú ert. Húðfræðilega prófuð og án allra ilmefna.
Innlegg
Prófaðu Daily Fresh innleggin okkar frá Libresse. Nú enn mýkri og þægilegri. Fullkomið til daglegrar notkunar. Libresse innleggin eru framleidd með ProSkin formúlu sem tryggir rétt pH-jafnvægi fyrir v-svæðið þitt ásamt virkri öndun. Þá eru innleggin okkar með CurveFit ™, sérstaklega hannað til að aðlagast líkama þínum og haldast á sínum stað sama hvað þú gerir. Innleggin halda þér þurri og feskri allan daginn – alla daga. Án allra ilmefna.
V-CUP & Intimawear
V-Cup frá Libresse er sveigjanlegur tíðabikar sem verndar þig í allt að 12klst. og jafnvel þá daga sem þér blæðir mest. Hann er framleiddur úr 100% læknisfræðilegu sílikoni sem aðlagast líkama þínum. Tíðabikarinn má nota aftur og aftur og er mjög umhverfisvænn. Fáanlegur í 2 stærðum, small og large. Hvaða stærð er rétt fyrir þig fer eftir nokkrum mismunandi þáttum eins og t.d. hversu gömul þú ert, hvort þú hefur fætt í gegnum leggöng og hversu miklar blæðingarnar eru yfirleitt.
Hvernig notum við tíðabikar? Tíðabikarnum er stungið í leggöngin til að safna tíðablóðinu og þegar hann er fullur eða eftir ekki meira en 12 klst. þá er hann tæmdur, skolaður og settur aftur upp. Hversu oft þú þarft að tæma bikarinn fer eftir því hversu miklar blæðingarnar eru.
Intimawear frá Libresse eru tíðanærbuxur sem draga jafnvel í sig blóðið eins og dömubindi. Hægt er að nota tíðabuxurnar aftur og aftur, þær draga í sig blóðið, engin lykt, enginn raki og ekkert vesen í allt að 12klst.
Eftir notkun eru tíðabuxurnar skolaðar með köldu vatni og sett svo í þvottavélina með venjulegum þvotti á 40 gráður. Endist í a.m.k. 50 þvotta!
