Það er okkur sönn ánægja að tilkynna að við höfum tekið inn nýjar og spennandi vörur frá írska matvælarisanum Musgrave. Með þessari frábæru viðbót getum við nú boðið viðskiptavinum okkar upp á enn fjölbreyttara úrval af gæðavörum fyrir stóreldhúsamarkaðinn.
Með fleiri en 14.000 vörur í úrvali ásamt aðgangi að um 40.000 fleiri í gegnum samstarfsaðila sína er Musgraves augljóst val sem framtíðarbirgi hjá Nathan og okkar viðskiptavinum.

Musgrave er eitt stærsta og virtasta matvæla- og heildsölufyrirtæki Írlands, stofnað árið 1876 í Cork af bræðrunum Thomas og Stuart Musgrave og fagnar því 150 ára afmæli sínu árið 2026. Musgraves er í dag leiðandi afl á matvælamarkaðnum á Írlandi og víðar. Þrátt fyrir gríðarlegan vöxt gegnum áratugina hefur Musgrave ávallt haldið tryggð við sín grunngildi og leggur ríka áherslu á framúrskarandi hráefni og bragðgæði, sjálfbærni í framleiðslu og umhverfisvitund og að styðja vel við bakið á fjölskyldurekstri og nærsamfélaginu.

Vörumerkið Musgrave Excellence er það vörumerki sem Nathan mun leggja áherslu á til að byrja með þar sem góð gæði og verð sameinast í sömu vöru, en einnig munum við bjóða upp á önnur þekkt vörumerki. Viðskiptavinir okkar gera kröfu um gæði og með vörunum frá Musgrave geta þeir treyst því að fá ávallt fyrsta flokks hráefni sem skilar stöðugleika í eldhúsið.