Fréttir

Fylltar taco sætkartöflur með Hellmann’s og Old El Paso

Hér er á ferðinni guðdómlegur léttur réttur! Bakaðar sætar kartöflur eru auðvitað með því betra og að fylla þær með góðgæti er alls ekki af verri endanum! Léttur réttur fyrir 4!

Sætar kartöflur

2 stórar sætar kartöflur
300 g kjúklingabaunir
150 g gular baunir
½ bréf Old El Paso taco krydd
Rifinn ostur
Ólífuolía

Hitið ofninn í 200°C.
Skerið kartöflurnar langsum og penslið á þær ólífuolíu allan hringinn.
Leggið flötu hliðina niður í ofnskúffu (með bökunarpappír ef þið viljið sleppa við þrif) og bakið í um klukkustund eða þar til þær eru orðnar mjúkar í gegn.
Hellið vökvanum af baununum og steikið þær upp úr ólífuolíu við meðalhita í nokkrar mínútur, kryddið með taco kryddi. Geymið síðan á pönnunni eftir að þið hafið slökkt undir henni.
Þegar kartöflurnar eru tilbúnar má snúa þeim við og skafa aðeins upp úr þeim til að búa til betra pláss fyrir baunirnar.
Setjið næst baunirnar í kartöflurnar og vel af rifnum osti yfir og aftur inn í ofn í um 5 mínútur.
Toppið með grænmeti og Hellmann’s chilli majó (sjá hér að neðan).